Castaño
Aveleira
Estas árbores desempeñan un papel clave na biodiversidade da súa contorna, ofrecendo refuxio e alimento a moitas especies coas que conviven, ao mesmo tempo que proporcionan unha gran variedade de servizos ecosistémicos aos seres que habitan e ao medio ambiente.
Castaño
(Castanea sativa)
Etimoloxía
Castanea: Kastana era unha cidade de Tesalia (Grecia) importante polos seus soutos. Sativa : cultivada.
É unha árbore forte e grande ¡ata 20 ou 30 m de altura! Ten unha copa ancha e redondeada. A súa cortiza é lisa, grisácea ou parda que se fende en árbores vellas.
As súas follas son grandes, lanceoladas e co borde serrado.
As follas medran alternas nas pólas.
As flores masculinas son estreitas e amarelas que medran ao longo dun amento de ata 30 cm; e as flores femininas, son máis pequenas e moi poucas na base do amento.
Destas flores fecundadas saen as castañas protexidas por unha casca redonda chea de espiñas, o ouriço, dentro do cal atopamos de 1 a 3 castañas.
Sabías que…
… os romanos crearon as primeiras normas que dicían como coidar e plantar bosques, incluíndo neles aos castiñeiros e abeleiros.
Aveleira
(Corylus avellana)
Etimoloxía
Corylus:
do grego corys ‘casco’.
Avellana: cidade italiana Avella, onde esta planta era abundante.
Considérase arbusto ou arboriño xa que non adoita medrar máis de 6m de altura. Ten moitas pólas que medran desde a base á que se lle chama “parra” e ao pé enterrado no chan de onde medran todas as pólas chámaselle cepa.
Medra en zonas frescas e húmidas preto de ríos e regatos nos chamados “bosques de ribeira”, así como formando parte do sotobosque xunto outras especies de plantas. A súa cortiza é de cor pardo-avermellada ou gris, e é case lisa.
As flores masculinas medran en amentos, de ata 8 cm. As flores femininas, agrúpanse ao final das súas poliñas laterais.
Sabías que…
…aínda que ambas flores están na mesma árbore, non medran ao mesmo tempo, polo que a abeleira necesita o pole doutras abeleiras para poder polinizarse e producir froitos (abelás)
E os seus froitos, as abelás están cubertas por unha especie de capuchón (Garrapiellu), en asturiano, no seu interior ten unha única semente.
Ilustraciones: Lourdes Berzas- Loubé