Índice
Grazas á viabilidade dos contidos traballados na aula, vemos a posibilidade de amplialos con conceptos en paralelo, relacionados co medio ambiente e o seu impacto na saúde, para o desenvolvemento máis completo das competencias curriculares do alumnado. É importante destacar o completo enfoque multidisciplinar.
No primeiro ciclo, comprendido nos tres primeiros cursos, 1º a 3º da ESO, a totalidade do alumnado relacionará estes contidos cos de materias como, por exemplo: Bioloxía e Xeoloxía, Xeografía e Historia, Educación Plástica e Audiovisual, Tecnoloxía e dixitalización, Educación Física e 1ª Lingua Estranxeira.
Á súa vez, respecto das materias comprendidas no segundo ciclo, que estaría centrado en 4º curso da ESO, atoparemos maior sinerxia no alumnado que curse materias como: Bioloxía e Xeoloxía, Economía e Emprendemento, Expresión Artística ou Formación e Orientación Profesional.
En xeral, trátase de que as comunidades educativas poidan empregar esta unidade didáctica co fin de promover e concienciar ao alumnado nos valores naturais, históricos, artísticos, económicos e culturais dos soutos e abeleirais, dentro dunha contorna que promova a sustentabilidade ambiental e a saúde (perfil competencial en función da lexislación vixente **).
** Decreto 102/2023, do 9 de maio, polo que se establece a ordenación e o currículo da etapa de Educación Secundaria Obrigatoria na Comunidade Autónoma de Andalucía.
** Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
** Decreto 59/2022, do 30 de agosto, polo que se regula a ordenación e se establece o Currículo da Educación Secundaria Obrigatoria no Principado de Asturias.
** Decreto Foral 71/2022, do 29 de xuño Boletín Oficial de Navarra número 155, do 4 de agosto de 2022.
Contidos curriculares por tema
Que son os abeleirais e soutos? Montes cheos de vida
Xeografía e Historia (1º – 4º ESO):
- Medio físico: Relevo, clima, zonas bioclimáticas, elementos e diversidade.
- Medio natural: Paisaxe. Problemas ambientais. Espazos naturais. Mapas de distribución de soutos e abeleirais.
- Anotacións históricas (civilizacións)
- Simboloxía de castañas e abelás na sociedade
- Figura da muller e a súa evolución en Montes Vivos
Economía e emprendemento (4º ESO):
- Sinerxías entre natureza e comunidades humanas.
- Impacto ambiental e aproveitamento de recursos.
- Fonte de emprego e recursos
Educación plástica, visual e audiovisual (1º – 3º ESO) e Expresión artística (4º ESO):
- Patrimonio artístico – cultural
- Imaxes ilustrativas
Bioloxía e Xeoloxía (1º – 4º ESO):
- Variedades de castiñeiros e abeleiras
- Enfermidades e pragas
Por que conservalos?
Bioloxía e Xeoloxía (1º – 4º ESO):
- Ecosistemas e biodiversidade (relacións entre especies)
- Sistemas agroforestais
- Problemas e solucións de conservación baseadas na natureza
Tecnoloxía e dixitalización (1º – 3º ESO):
- Realización de obradoiros manuais relacionados coas solucións de conservación: caixas niño, muros, charcas
Educación plástica, visual e audiovisual (1º – 3º ESO) e Expresión artística (4º ESO):
- Realización de obradoiros artísticos que fomenten a conservación dos ecosistemas e detallen a súa riqueza.
Que hai en Montes Vivos?
Bioloxía e Xeoloxía (1º – 4º ESO):
- Biodiversidade
- Fauna
- Flora
- Fungos
Que podes facer ti para axudar?
Educación plástica, visual e audiovisual (1º – 3º ESO) e Expresión artística (4º ESO):
- Obradoiros artísticos
- Obradoiros sobre turismo responsable e sustentable
Economía e emprendemento (4º ESO):
- Conceptos e tipos de turismo
- Pautas e sinerxías para a conservación do medio natural
- Saídas e rutas ao campo sustentables
Tecnoloxía e dixitalización (1º – 3º ESO):
- Obradoiros sobre construción de muros
- Obradoiros sobre replantacións
Xeografía e Historia (1º – 4º ESO):
- Edadismo
- O valor dos saberes tradicionais
Desenvolvemento de competencias transversais
Esta Unidade didáctica Montes Vivos, nace co obxectivo de colaborar coa comunidade docente e dotar ao alumnado dos contidos curriculares definidos na normativa vixente. Ademais, persegue mellorar esa aprendizaxe a través da transversalidade e dinamismo necesarias para completar o carácter integral de todo proceso educativo. Deste xeito ao longo da Unidade trabállanse, entre outros, os seguintes elementos transversais.
- Comprensión lectora, oral e escrita, para o desenvolvemento e presentación de resultados das actividades en comunicacións orais, defensa de argumentos e preparación de contido relacionado a partir das experiencias vividas.
- Educación Física: Actividade ao aire libre, desenvolvemento das probas e desenvolvemento de aptitudes (colaboración, traballo en equipo) nunha contorna natural humanizada.
- Expresión plástica, comunicación audiovisual e tecnoloxías da información. Motivación da creatividade impulsada polas actividades ao aire libre.
- Desenvolvemento do espírito emprendedor en relación co desenvolvemento sustentable e a conservación do medio natural.
| PERFIL COMPETENCIAL DO ALUMNADO AO REMATE DO SEGUNDO CURSO DA ETAPA DE EDUCACIÓN SECUNDARIA OBRIGATORIA E PERFIL DE SAÍDA AO REMATE DO ENSINO BÁSICO |
| Competencia en comunicación lingüística. |
| Competencia plurilingüe. |
| Competencia matemática e competencia en ciencia, tecnoloxía e enxeñaría |
| Competencia dixital |
| Competencia persoal, social e de aprender a aprender |
| Competencia cidadá |
| Competencia emprendedora |
| Competencia en conciencia e expresións culturais |