Castañal
L'ablanal
Estos árboles desempeñen un papel clave na diversidá biolóxica del so entornu, valiendo d’abellugu y alimentu pa munches especies coles que conviven, al mesmu tiempu que dan una gran variedá de servicios
Castañal
(Castanea sativa)
Etimoloxía
Castanea Kastana yera una ciudá de Tesalia (Grecia) importante polos sos castañeos. sativa: plantada.
Ye un árbol fuerte y grande ¡hasta 20 o 30 m. d’altu! Tien una cota ancha y redondiada. La so corteya ye llisa, agrisada o parda que resquebra n’árboles vieyos.
Les sos fueyes son grandes, con forma de llanza y col borde aserráu. Les fueyes crecen alternes nes rames.
Les sos flores: les flores masculines son estreches y amarielles y medren a lo llargo d’una candela d’hasta 30 cm.; y les flores femes, son más pequeñes y mui poques na base de la candela.
D’estes flores fecundaes salen les castañes protexíes por una cáscara redonda enllena de pinchos, l’oriciu. Dientro dél topamos de 1 a 3 castañes.
¿Sabíes que…
… los romanos crearon las primeras normas que decían como cuidar y plantar bosques, incluyendo en ellos a los castaños y avellanos.
L'ablanal
(Corcollu avillana)
Etimoloxía
Corylus: del griegu corys ‘cascu’. ablana: ciudá italiana Avella, onde abondaba esta planta.
Considerase arbustu o arbolexu porque nun aveza medrar más de 6m d’altura. Tien munches rames que crecen dende la base al que se-y llama parra y el pie enterráu nel suelu d’onde crecen toles rames ye la cepa.
Crez en zones fresques y húmedes cerca de ríos y regatos nes llamaes “viesques de ribera”, asina como formando parte de la soviesca xunto a otres especies de plantes. La so corteya ye de color pardu-abermeyáu o gris, y ye casi llisa.
Les flores masculines crecen en candeles, d’hasta 8 cm. Les flores femes, agrúpense al final de les sos ramines de los llaos
¿Sabíes que…
…anque dambes les dos flores tán nel mesmu árbol, nun medren a un tiempu, poro, l’ablanal tien falta del polen d’otres ablanales pa poder polinizase y producir frutos (ablanes)?
Y los sos frutos, les ablanes tán cubiertes por una especie de capiellu (tamién garapiellu o carrapiellu n’asturianu), dientro d’él tien namás una semiente
Ilustraciones: Lourdes Berzas- Loubé