As plantacións de castiñeiros e abeleiras non están libres de perigos. Debido, principalmente á expansión de especies exóticas, cambio climático e á aparición de novas pragas e enfermidades daniñas aparecen nos nosos montes.
Índice
Enfermidades e pragas do castiñeiro
A tinta do castiñeiro
Enfermidade causada polos fungos Phytophthora cinnamomi ou Phytophthora cambivora que parasita e ataca as raíces e a base do tronco dos castiñeiros, bloqueando a circulación de seiva e nutrientes.
Púdrense as raíces, as follas amarelecen e na base da árbore aparece un líquido escuro parecido a "tinta" que lle dá o nome á enfermidade.
Para previr a enfermidade: Pódense plantar castiñeiros resistentes (seleccionados artificialmente).
Para controlala: Evitar a arada do solo, desinfectar as ferramentas utilizadas e mellorar a drenaxe do solo.
Cancro do castiñeiro
Enfermidade causada polo fungo Cryphonectria parasitica que ataca a cortiza dos castiñeiros, formando úlceras (chancros) que estrangulan ramas e troncos, impedindo o fluxo de seiva.
Prodúcense os "chancros" que rompen e rasgan a cortiza que queda dunha cor avermellada e inchada. As ramas sécanse segundo o fungo aumenta de tamaño.
Ao transmitirse as esporas do fungo polo aire, auga ou ferramentas de poda, recoméndase podar en época seca, desinfectar as ferramentas e utilizar enxertos resistentes.
Avispilla do castiñeiro (Dryocosmus kuriphilus)
Avispa invasora orixinaria de Asia cuxas larvas provocan agallas (nódulos verdes ou avermellados) en brotes e follas de castiñeiros, debilitando a árbore e reducindo a produción de castañas.
A avispilla do castiñeiro estendeuse rapidamente debido á súa capacidade para reproducirse sen machos, e a súa facilidade para dispersarse polo vento ou mesmo por medios de transporte. Esta avispa deposita os seus ovos nas xemas do castiñeiro, formando agallas que impiden o desenvolvemento normal da árbore, debilitándoa progresivamente ata chegar, en moitos casos, á súa morte.
Apóstase polo control integrado de pragas a través do fomento de especies insectívoras, como aves e morcegos, que consomen unha gran cantidade de insectos, entre os que se atopa a avispilla do castiñeiro.
Enfermidades e pragas da abeleira
Cancro da abeleira
Enfermidade causada por diferentes especies de fungos que atacan ramas e troncos de abeleiras, formando cancros alongados que debilitan a estrutura da árbore e reducen a produción de froitos.
En ocasións pode producir a morte da arboliña completa.
Ao transmitirse as esporas do fungo polo aire, auga ou ferramentas de poda. Recoméndase podar en época seca e queimar as ramas, desinfectar as ferramentas, utilizar enxertos resistentes e favorecer insectos depredadores do fungo.
Diabo ou gorgoxo da abeleira (Curculio nucum)
Praga causada por un escaravello (Diabo da abeleira (Curculio nucum) cuxas larvas aliméntanse das abelás, arruinando a colleita. Os adultos perforan o froito para poñer ovos, e as larvas devoran a semente, provocando a perda dos froitos.
Fomentar a diversidade de especies insectívoras (aves e morcegos) que se alimenten deste insecto.
Como nos enfrontamos a estes problemas? Con Solucións Baseadas na Natureza, como incrementar a diversidade de especies vexetais na explotación ou favorecer a presenza de comunidades faunísticas equilibradas, contribúe a reducir a incidencia e efecto destas enfermidades e pragas, mantendo o ecosistema en equilibrio. Isto axuda a diminuír algúns destes efectos negativos, mantendo o ecosistema en equilibrio.