A madeira de castiñeiro e abeleira foi tradicionalmente valorada polos seus múltiples usos e propiedades, destacando pola súa resistencia, durabilidade e versatilidade. Estas especies forestais ofrecen numerosas aplicacións en carpintería, construción e artesanía.
A madeira do castiñeiro
De cor marrón escura, con aneis de crecemento moi marcados, dura, densa e de boa calidade. Fantástica para múltiples aplicacións.
Utilízase en exteriores xa sexa en postes e estacas, construción en hórreos asturianos ou incluso, para mastros de barcos e en antigos muíños de auga e carretas!
Outros usos: Apeiros de labranza, fabricación de toneis e barrís, para a conservación de alimentos e bebida no sur de Europa ata a chegada do carballo.
Sabías que…
…a pesar de todas as propiedades da madeira de castiñeiro, non se recomenda o seu uso para leña nin para carbón, xa que se consome moi rápido e emite moitas chispas, que poden dar lugar a incendios non intencionados?
A madeira da abeleira
De ton claro e uniforme, lixeira e resistente, non foi tan usada como a do castiñeiro. Utilizouse para fabricar valos trenzados, varas (bastóns de pastor), cordas, mangos de ferramentas, na elaboración de instrumentos musicais, artesanías e sobre todo cestería.
Sabías que…
…nalgunhas culturas, as ramas de abeleira usábanse como variñas de zahorí para buscar auga subterránea, atribuíndolles propiedades máxicas?
Para quentarse, é un bo combustible e, sobre todo, utilízase para a fabricación do carbón e como estelas de acendido do lume.