Os usos tradicionais asociados a castiñeiros e aveleiras son amplos e difíciles de abarcar. Agardamos que con este último punto e o comentado no punto 3.2 te poidas facer unha idea.
Micoloxía
Avelairas e castiñeiras son lugares idóneos para a recollida e observación micóloxica. Estes hábitats, ofrecen condicións perfectas (combinación de humidade, luz solar e sombra) para o crecemento dunha gran variedade de especies de cogomelos especialmente durante o outono.
Entre os cogomelos comestibles destacan o boleto edulis (Boletus edulis), o boleto laranxa (Leccinum aurantiacum), o fígado de boi (Fistulina hepatica) ou a oronxa ou amanita dos Césares, (Amanita cesarea), entre outras moitas especies.
Porén, a maioría dos cogomelos que medran nestes ecosistemas non son comestibles, pero lembra, desempeñan un papel fundamental no ecosistema, especialmente no proceso de descomposición da materia orgánica.
As Micorrizas: Unha relación especial cogomelos e aveleiras
Un fenómeno importante que ocorre nestes contornos é a micorrización natural. No caso das aveleiras, o seu sistema de raíces convérteas en perfectas aliadas formando as famosas trufas comestibles.
Apicultura
Actividade dedicada á cría e coidado das abellas para a obtención dos produtos que fabrican: mel, propóleo, xelea real ou cera.
A mel de castiñeiro ten unha cor moi escura, sabor intenso e un pouco amargo e picante, con grandes efectos antioxidantes.
Outros usos
Ademais dos usos xa mencionados, os castiñeiros e aveleiras teñen outras utilidades sostibles que os converten en recursos de gran valor:
- Plantación de aromáticas que medran nestes contornos para a súa venda. Algúns exemplos son o romeu (Salvia rosmarinus), a lavanda (Lavandula angustifolia) ou o orégano (Origanum vulgare).
- Tintes naturais. Os restos do castiñeiro (cáscaras, ourizos e cortiza) mergullados en auga foron amplamente utilizados como tintes naturais en madeira, la e para curtir peles.
- Biomateriais: As cáscaras de avelá, castaña e incluso restos triturados de poda utilízanse para cultivar cogomelos que posteriormente se secan dando lugar a materiais que se utilizan como illantes ou para embalaxes substitutos de plásticos.