Tras a segunda guerra mundial, os países máis desenvolvidos expuxeron ao mundo un modelo de intensificación da produción de alimentos. Para producir máis cantidade industrializáronse os procesos agroganadeiros co uso masivo dos denominados
Actualmente, a tendencia maioritaria da agricultura moderna é a intensificación agrícola. Un negocio, por riba do desenvolvemento sustentable e das nefastas consecuencias para a saúde do medio natural e do ser humano.
Así, o uso de produtos químicos de síntese (non se atopan na natureza) ou agroquímicos , que pretenden maximizar as colleitas e evitar as enfermidades, trae consigo numerosos efectos adversos. Dentro destes produtos agroquímicos podemos atopar os seguintes:
Fertilizantes minerais
Aceleran o crecemento e poden xerar máis dunha colleita ao ano. Non obstante, os solos á longa perden materia orgánica e precisan cada vez máis cantidade de fertilizante. Este exceso de fertilizante fíltrase aos acuíferos contaminándoos e, posteriormente, alcanza as augas superficiais "eutrofizándoas", facendo inviable o uso da auga ou precisando custosos tratamentos de depuración para poder utilizala. (Caso do Mar Menor) .
Herbicidas
Impiden o crecemento doutras plantas distintas a aquelas que se cultivan, para evitar competir polos recursos do solo. O problema é que moitos deles tamén acaban con plantas e microorganismos beneficiosos para o solo. Son substancias tóxicas para o ecosistema e prexudiciais para a saúde humana se non se manexan nas doses e momentos axeitados.
Insecticidas
Para evitar a aparición de insectos ou outros invertebrados que provocan enfermidades e pragas para o cultivo. O problema é que tamén acaban cos insectos beneficiosos (por exemplo, xoaniñas que libran do pulgón), e ao igual que os herbicidas, son prexudiciais para o ecosistema e a saúde humana.
Uso de maquinaria contaminante
Co fin de facer economicamente máis eficiente a produción intensiva, recórrese á mecanización para roturar os campos, recoller colleitas e estender os produtos químicos mediante grandes tractores, colleitadoras e incluso avións. Altamente dependentes de combustibles fósiles, que contaminan o aire e contribúen ao quecemento do planeta.
Alimentación con pastos
Menor densidade de poboación
e máis próxima ao lugar de produción
Pequenas parcelas
Mantemento de vías
pecuarias para transhumancia
Concentración parcelaria
Uso de maquinaria contaminante
Uso de produtos químicos contaminantes
Uso de produtos químicos contaminantes
Menos dun terzo do cultivado
é de consumo directamente humano
Maior densidade de poboación
humana en zonas afastadas
Gandería intensiva
Fragmentación por infraestruturas
Transporte en lugar
de transhumancia
A intensificación agrícola e gandeira
Para aforrar en custos de produción e aumentar o beneficio económico as pequenas parcelas cultivadas por familias ou grupos locais (ANTES) fóronse concentrando en grandes campos máis doados de mecanizar gastando menos e empregando menos man de obra ( Concentración Parcelaria ) (DESPOIS). Isto foi unha das causas do abandono do medio rural e do deterioro das economías familiares dependentes deste medio.
(Icon made by Freepik from www.flaticon.com)