La madera de castañal y ablanal valórase tradicionalmente polos sos usos múltiples y poles sos propiedaes, sobre too pola resistencia, por durar muncho sin estropiase y por valir a munchos usos estremaos. Estes especies forestales ofrecen milenta aplicaciones en carpintería, construcción y artesanía.
La madera de castañal
De color marrón escuru, con aniellos de crecimientu mui marcaos, duro, denso y de calidá bona. Val p’aplicaciones diverses.
Úsase nel esterior pa postes y estaques, construcción en horros asturianos o mesmo, ¡pa mástiles de barcos y n’antiguos molinos d’agua y carros!
Otros usos: Aperios de llabranza, fabricación de toneles y barriles pa la conservación d’alimentos y bebíes nel sur d’Europa antes del carbayu.
¿Sabíes que…
… a pesar de toles propiedaes de la madera de castañal, nun se recomienda usalo pa lleña nin pa carbón, porque consúmese mui rápido y echa muncha chispa que pue provocar fueos non intencionaos?
La madera d’ablanal
De color claru y uniforme, llixera y resistente, nun se tien usao tanto como la de castañal. Utilizóse pa fabricar valles trenzaes, vares (guiyaes de pastor), cuerdes, mangos pa preseos, na ellaboración d’instrumentos musicales, artesanía y sobre too pa facer cestes..
¿Sabíes que…
…en dalgunes cultures, les vares d’ablanal usábenles como varielles de zahorí pa buscar agua soterraño, atribuyéndo-yos propiedaes máxiques.
Pa calentar, ye combustible bono y, sobre too, úsase pa facer carbón y como estielles pa prender fueu.