La ganadería intensiva pon primero la producción rápida y el porgüeyu económicu, enzarrando a los animales n’espacios pequeños en cuenta de dexalos pacer en llibertá. Esto elimina los sos beneficios naturales, fertilizar el suelu y esparder la semiente. El modelu industrial escueye facer que les condiciones de vida de los animales tean menos miraes qu’aumentar la producción al y algamar beneficiu económicu de delles maneres
Enzarralos en naves-cuadra p’amenorgar l’uso de suelu. Esto reduz la calidá de vida de los animales y la so salú, poro, úsense cantidaes escomanaes de medicines (antibióticos) pa que nun enfermen por amontonamientu y falta de movimientu.
Alimentalos con “piensos compuestos” sacaos de plantíos intensivos escomanaos pa qu’engorden rápido. Delles veces, úsase química d’engorde
Pa consiguir estos piensos compuestos pa’l ganáu metíu en cuadra hai que llabrar muncha tierra de forma intensivo. Asina, la cantidá de territoriu necesariu aumenta muncho, en contra del principiu d’eficiencia d’usu de la tierra de la intensificación.
¿Sabíes que…
… más de 2/3 de la tierra trabayao n’Europa ye pa producir alimentu (pación enriquecío pa’l ganáu intensivo).
Lo peor de too ye que bien de veces esos terrenos ocupen ecosistemes de valor natural mui grande y/o sistemes agrícoles y ganaderos tradicionales qu’alimentaben a les poblaciones llocales, que se ven obligaes a dexar la so tierra.
Los principales efeutos adversos de la intensificación agrícola y ganadera son
Menor calidá de los alimentos.
Intensificar los procesos failos, en xeneral, menos nutritivos y menos sabrosos.
Toxicidá
Químicos y medicines pasen a formar parte de les plantes, los animales y l’agua y les persones acumulamos estos contaminantes que puen causanos enfermedaes.
Contaminación del suelu
L’usu intensivu de fertilizantes minerales y yerbicides arruina’l suelu y abandónase y mesmo cambia a usos non productivos (construcciones d’edificios o otres infraestructures).
Reducción de la diversidá biolóxica
La concentración de les tierres de llabor elimina l’hábitat de munches especies y los sos recursos, poro, piérdese la función ecolóxica del territoriu al desapaecer munches sebes vives, elementos tradicionales que s’usaben pa llindar les tierres.
Perda de la soberanía alimenticia
Llabriegues y llabriegos vense forzaos a dexar la güerta por falta de “competitividá” y los y les consumidores vémonos obligaos a consumir productos de les grandes corporaciones que puxen por estos modelos non caltenibles.
¿Cómo puen recuperase estos sitios y seres vivos afeutaos?
Como respuesta a los problemes del modelo agrícola y ganaderu intensivu, surden otros modelos alternativos à> agricultura rexenerativa y soluciones basaes na naturaleza.
Respetu a los ciclos naturales de los elementos nutricios y les cadenes trófiques complexes de munchos tipos d’organismos pa enriquecer l’ecosistema del suelu, base del espoxigue de les plantes.
Estos sistemes tamién puen ser perproductivos, a base d’aumentar la so complexidá: alternando y asociando cultivos, estrando con cubierta vexetal en cuenta de llabrar n’escesu, usu del ganáu pa xestionar los residuos y abonar la tierra. En realidá, son “soluciones basaes na naturaleza” asemeyaes a les tradicionales a les que se-yos apliquen los medios teunolóxicos modernos.
Estos modelos d’agricultura y ganadería ecolóxicos cumplen con un papel perimportante nel caltenimientu de la diversidá biolóxica y de la fertilidá del tarrén. La recuperación de viesquines y sebes vives ente güertes y de les zones de ganadería estensiva, desempeñen un papel fundamental como “
(Icon made by Freepik from www.flaticon.com)