La so historia
Los castañeos y ablaneos son formaciones d’árboles compuestes principalmente por castañales (Castanea sativa) o ablanales (Corylus avellana) respeutivamente. Ello ye que trátase de formaciones riques y variaes, que vienen siendo modelaes pola mano del home a lo llargo de los sieglos pa favorecer la so presencia y productividá.
El ser humano vien tresformando estos montes a traviés práutiques tradicionales que busquen l’equilibriu ente producir lo que nos fai falta y conservar la naturaleza y los recursos pal futuru (xestión forestal caltenible responsable), integrando funciones que beneficien a la sociedá (meyorando la vida de toles comunidaes de seres vivos), a los procesos ecolóxicos (protexendo la diversidá biolóxica), y a la economía (xenerando recursos y emplegu).
¡Una manera intelixente de cuidar el planeta! ¡
¡Y los recursos!
Si-yos preguntamos a les nueses güeles y güelos, van dicinos cómo se cuidaben estos espacios y los sos habitantes (Enllaz al Apartáu 4.2). Pa caltener esta asociación se mantenga, tien falta d’elementos qu’actúen como cadarma, dándo-y estructura y sostén y qu’intenten caltenese na sociedá rural:
Artesanos/es
Persones que trabayen en comuña pa crear productos de manera responsable, ensin face-y dañu a la naturaleza.
Xestión caltenible/responsable:
manera de xestionar aplicada en les actividaes agro-forestales que caltién la salú de castañeos y ablaneos ensin comprometer el so aprovechamientu, nel que destaca l'aplicación de téuniques como:
1. Acolchado del suelo
(mofu, fueya y materia orgánico en descomposición) conserva la humedá, aumenta la fertilidá y ayuda al espoxigue de los árboles.
2. Fertilizantes naturales
Añadir fertilizantes naturales como’l compost (descomposición de materia orgánico)
3. Asociar plantíos
Asociar plantíos, compatibles cerca de los árboles. Xenérase más diversidá y sácase’l doble de provechu.
4.Xestión del agua
Por escesu: Drenar en zones de muncha lluvia con canales o sistemes pa non enchumazar el terrenu.
Por defeutu: En sitios onde falta l’agua, crear socavones o terraces onde posa l’agua en zones pindies.
Evitar l’abandonu de les zones rurales y la esplotación ensin xacíu de los recursos naturales que dañen l’equilibriu natural d‘estos ecosistemes. Recuperar y da-yos valir a les práutiques tradicionales pa cola naturaleza, les persones y el desarrollu económicu d’estos sitios
Ilustraciones: Lourdes Berzas- Loubé