En munches sociedaes, per tol mundu, les persones xóvenes aprienden direutamente de les mayores a traviés del intercambiu de conocimientos.
¿Sabíes que…
… en dalgunes cultures africanes, les y los xóvenes nun puen realizar llabores d’adultos hasta nun aprendeles bien de les y los mayores? Esto reflexa la importancia de tresmitir conocimientos ente xeneraciones.
Nel casu nuesu, preguntando a la xente mayor sobre la so rellación cola naturaleza y los recursos que los arrodiaben vamos poder aprender de:
- La naturaleza na to zona, la rellación que teníen con ella y cómo aprovechaben los sos recursos.
- ¿Qué tradiciones o costumes recuerden rellacionaes colos montes de castañal y d’ablanal?
Estes preguntes puen abrite la puerta d’un mundu d’histories, tradiciones y conocimientos que formen parte de la to identidá propia.