El ser humanu vien camudando’l monte dende cuantayá col finxu d’aumentar la producción de castañes, ablanes y madera creando un paisaxe únicu y esceicional que cambia l’aspeutu a lo llargo del añu. Los distintos colores y testures según la estación, coles ablaneres en flor pela primavera o col brotar del frutu de les castañeres pela seronda, dannos bien d’oportunidaes pa disfrutar d’estos ambientes mientres cualquier tiempu del añu.
¿Sabíes que…
… el cambiu del color de la fueya ye pola perda de clorofila, el pigmentu que-yos da’l color verde a les fueyes? Cuando la clorofila desapaez, otros pigmentos mariellos y naranxes (carotenoides) fáense visibles.
La castañal
La castañal ye un árbol que vive muncho (+500 años). Por mor del so tamañu y necesidá de lluz, avecen medrar separtaos unos d’otros, evitando competir por consiguir la enerxía de la lluz del sol, esto fai que nun llegue muncha lluz al suelu y medren dalgunes plantes baxes.
*Pasa por encima de las imágenes para ver la época del año correspondiente.
L'ablanal
L’ablanal pue vivir más de 100 años y formar pequeños arbolinos llenos de rames que-y broten de la cepa al cortar eses rames p’aprovechar les vares, lo que-y permite tener cerca una diversidá vexetal mayor sin falta de competir por los recursos.
*Pasa por encima de las imágenes para ver la época del año correspondiente.
