Montes Vivos
Castañeos y ablaneos enllenos de vida; historia, paisaxe, paisanaxe.
Los nuesos montes formen paisaxes de vida y historia de los que tenemos muncho qu’aprender.
Convidámoste a usar y pasalo bien con esta unidá didáutica con conteníu, actividaes y xuegos que puedas utilizar de manera independiente.
Cualquier persona interesada en conocer los nuesos montes, la so importancia y el so usu tradicional, pue deprender sobre la importancia de la conservación d’estos sitios únicos, la so relevancia histórica, cultural, social y ecolóxica. Ye d’especial utilidá pa responsables de centros educativos como ayuda pa desendolcar el conteníu curricular educativo nel aula (o fuera d’ella).
Vamos guiavos nel descubrimientu de les formes de vida venceyaes a estos montes a lo llargo de milenios y los servicios ambientales que nos aporten. Secretos que valen de guía y van deprendenos a ameyorar el nuesu bientar y el de tolos seres vivos que nos arrodien.
Esta unidá didáutica surde del convencimientu (basáu na evidencia científica) de la necesidá de conservar ablaneos y castañeos, rescatando y actualizando tola cultura que pon base en “formar parte de la naturaleza”.
Conocer y conservar los nuesos montes contribúi a ameyorar l’estáu de los espacios naturales de más valir, a traviés de los sos valores naturales, paisaxes y persones. Como ciudadanía y consumidores tenemos muncho que dicir y la educación ye fundamental pa coneutar de nuevu cola naturaleza (Biofilia).
¿Por qué ye importante pal alumnáu?
Esta unidá didáctica ye una oportunidá pa:
- Deprender sobre la diversidá biolóxica y les sos rellaciones nel ecosistema
- Comprender l’impactu humanu, positivu o negativu, nel mediu ambiente.
- Conocer la nuesa rellación histórica col monte y como nos ayudó a sobrevivir y desendolcanos como sociedá.
- Inspirase con soluciones: Científiques y anovadores pa dar respuesta a los desafíos ambientales y sociales, (cambiu climáticu, abandonu rural, etc.)
- Desendolcar valores ambientales: fomentar el respetu pola natura y la importancia de conservalo pal nuestru disfrute y el de les xeneraciones futures.
Esta unidá didáctica ye parte del proyeutu Montes Vivos, un proyeutu de SEO/BirdLife col sofitu de la Fundación Diversidá Biolóxica del Ministeriu pa la Transición Ecolóxica y el Retu Demográficu nel marcu de los Planes de Recuperación Tresformación y Resiliencia (PRTR).
Montes Vivos busca protexer la natura y la economía llocal, demostrando que la conservación del mediu ambiente y la rentabilidá económica son compatibles gracies a les Soluciones Basaes na Natura (ciencia) (SbN)*. Pa facelo la intención ye:
- Aumentar la conectividá ecolóxica,
- Ameyorar la capacidá d’acoyida y facer sensible a la sociedá sobre la importancia de la conservación d’estes viesques y los sos servicios ecosistémicos
- Asegurar que seya económicamente vidable (llocal) dándo-y valor a la producción de cercanía, de calidá, sana y caltenible de castaña y ablana al tiempu que se crea emplegu nes zones rurales, n’igualdá de xéneru que valga pa caltener población y amenorgar el despoblamientu.
*gracies a un trabayu científicu en delles finques per tol territoriu nacional (Andalucía, Asturies, Galicia, Navarra y País Vascu).