Agora ye’l momentu de poner en práutica tolo que recién aprendisti y convertite nuna auténtica persona embaxadora de los castañeos y los ablaneos. Comparti los tos conocimientos y crea aiciones na to rexón pa protexer y conservar estos espacios.
¡Hai milenta maneres de facelo!
Aiciones práutiques pa embaxadores
Plantaciones controlaes
Organizar colos propietarios y coles instituciones, plantaciones de castañales, ablanales y otres especies autóctones en zones afayadices.
Reconstrucción de muries de piedra seco tradicionales
Abellugu pa munches especies y ayuden a conservar el paisaxe.
Construcción y colocación de Caxes ñeru
P'aves y esperteyos y charcos p'anfibios y otros animales.
Neños y neñes realizando llabores albentestate. VPales - Sutterstock
Requexos de la castaña y l'ablana
Crea un espaciu dedicáu a estos árboles, con información, semeyes y muestra de los sos frutos y de los beneficios y posibilidaes que nos ofrecen.
Salíes al monte
Organiza escursiones a castaños y ablaneos adautaes a diferentes niveles de dificultá con guía y coles persones propietaries de les fincas. Rutes históriques, botániques, mitolóxiques (lleendes y mitoloxía) o deportives.
Incluyi rutes adautaes pa persones con movilidá reducida o coleutivos desfavorecíos.
Actividades de sensibilización
Campañas de comunicación
Campañes de comunicación y sensibilización pa families, oriundos del llugar, visitantes y persones propietaries de les finques. Idees:
- Escribi a les autoridaes llocales pa promover la conservación d'estos espacios.
- Ellabora folletos, cartelos, videos curtios, podcasts o mesmo esposiciones sobre castañeos y ablaneos.
Premios y reconocimientos
Diplomes o medayes d'Embaxador/a de Castañeos y Ablaneos pa reconocer l'esfuerzu de les persones que participen nestes actividaes.
Decálogu
Aiciones clave pa conservar estos montes y compártilu cola to comunidá.
Aiciones p'ameyorar la salú
Pa dir un pasu más allá y combinar la conservación de la naturaleza col desarrollu personal, comunitariu y la nuesa salú, has probar estes idees:
Sumi na naturaleza y coneuta colos tos sentíos
Val pa relaxar y ameyoranos la salú al coneutar cola naturaleza (biofilia). Por exemplu, los Baños de viesca / estrelles (observación astronómica dende espacios naturales, permite aprender sobre l'espaciu, la mitoloxía celeste y la so influyencia na cultura del sitiu.
Talleres
1. L'arte ayuda a reflexonar tocante a la nuesa rellación cola naturaleza. Esperimenta con pigmentos naturales, crea escultures o escribe relatos, cuentos o histories inspiraes nos castañeos y ablaneos.
Gastronomía Recetes tradicionales
- Collabora/pregunta/entrevista a talleres y restaurantes del sitiu pa promover recetes con castaña y ablana.
- Talleres de cocina colos productos d'ablaneres y castañeres.
¡¡Amiesta too!! ¡Participa y asiste a celebraciones, feries y xornaes!
Comunícalo nes tos Redes Sociales #MontesVivos
Gracies por protexer los castañeos y ablaneos y por comunicar el so valor. Agora disfrútalos y visítalos con respetu, apriende de la xente mayor y comparti lo que sabes.
Ilustraciones: Lourdes Berzas- Loubé