Especial mención merecen dos de los mamíferos más emblemáticos de la Península Ibérica pola so importancia y la so rellación col monte y col ser humanu y la so actividá. Estos mamíferos usen los recursos de castañeos y ablaneos p’alimentase y abellugase (frutos, miel y preses) y cumplen funciones esenciales pa caltener l’ecosistema ayudando a regular la salú del monte:
L'osu pardu
L’osu pardu (Ursus arctos) vive nes cordeleres Cantábrica y nos Pirineos. Ye’l mamíferu xabaz más grande d’España y pue midir casi 2 metros de llargu/altu y pesar más de 150 kg. Nel área de distribución nun aveza ser un problema pala producción del sitiu (ganadería y agricultura). Con too hai dalgún conflictu, hai que dase cuenta que l’osu ta nun procesu d’adautación de lo qu’enantes yera’l so entornu de vida a lo que ye agora l’espoxigue de poblaciones humanes crecientes, adautándose a los cambios y aprovechando los recursos que tien disponibles.
El lobo ibérico
El llobu ibéricu (Canis lupus signatus): Ye’l gran símbolu de la nuesa fauna ibérico. Ye la cume de la cadena alimenticia, lo qu’amás de calificalu como “superdepredador” atribui-y una función clave de regulación en cualquier ecosistema onde apaez.
De tamañu d’unos 120-130 cm. de llonxitú por 70-80 cm. d’altura y unos 30-35 kg. de pesu. Espárdese dende’l sistema Central contra’l Norte y paez que poco a poco va recuperando’l territoriu n’onde fai sieglos taba presente.
Por embargu, el llobu na cultura popular tien por desgracia una mala fama que nun merez. Pa solucionar esti problema, hai que trabayar más dende les instituciones públiques (gobiernos autonómicos y estatales) en compensar les perdes al ganaderu y al so llabor a traviés d’indemnizaciones repartíes de manera afayadiza evitando la rapiña.
El llobu ye una especie fundamental pal funcionamientu de los ecosistemes que caltién sanos y n’equilibriu les poblaciones d’ungulaos na península Ibérica y munches otres partes del mundu, gracies a:
Regulación de la salú de les poblaciones
Alimentándose de los animales enfermos y más vieyos.
Aumentu de la producción agrícola y de la rexeneración vexetal
A traviés del control de les especies d'herbívoros xabaces, evitando'l pastoríu n'escesu y la perda económica. Tamién facilita l'almacenamientu de carbonu (Control del cambiu climáticu) al fomentar la recuperación forestal y l'aumentu de la diversidá biolóxico.
Eliminación de restos d'animales muertos
Influyi de forma indireuta n'otros grupos animales como los d'alimentación necrófaga que llimpien l'ecosistema y ayuden a zarrar el ciclu ecolóxicu.
Los llobos son tan importantes a la hora de conservar l’equilibriu de los ecosistemes que, si desapaecen, pue acelerase la so degradación. Un exemplu impresionante foi cómo los llobos fueron quién a facilitar la restauración de la ecoloxía del Parque Nacional de Yellowstone n’Estaos Xuníos.
Ilustraciones de página de FreePick