¿Qué ye'l turismu responsable? Y… ¿el caltenible?
Son formes de viaxar y conocer sitios respetando la naturaleza, la cultura d’aquello y a les comunidaes que viven ellí. Trátase de dar beneficiu a les comunidaes rurales y asegurar que se conserven estos espacios naturales pa les xeneraciones vinientes mientres disfrutamos.
Esti tipu de turismu básase en principios como
- Conservación del mediu ambiente: amenorgar l’impautu nos ecosistemes.
- Respetu pa coles cultures del sitiu: Conocer y dar valor a les sos tradiciones y costumes.
- Desarrollu económicu xustu: apoyar a les comunidaes del sitiu a traviés del consumu de productos y servicios autóctonos.
¿Ye lo mesmo turismu responsable y turismu caltenible?
Turismu responsable: pon l’énfasis en ser consciente del impautu de les aiciones individuales y coleutives p’atacar problemes específicos en cada sitiu.
Turismu caltenible: Busca amenorgar l’impautu negativu del turismu y caltenelu nel tiempu.
Un exemplu de turismu caltenible y responsable: Turismu de naturaleza.
Coneutar coles castañales y ablanales a traviés del turismu responsable (ser consciente del nuesu impautu) y caltenible (mantenese nel tiempu) céntrase nel contautu direuto col entornu natural y pue prauticase de delles maneres:
Senderismu y deportes albentestate
Observación de flora y fauna: descubre la diversidá biolóxica única d'estos montes
Fotografía de paisaxes: saca semeyes de la fermosura d'estos espacios.
Relaxación y desconexón: simplemente disfruta de la tranquilidá y l'aire puro.
¿Por qué ye importante'l turismu caltenible y responsable?
Esti turismu lleva al sitiu nel que se desarrolla dineru, rellaciones sociales y impautu na naturaleza, al tiempu que contenta les necesidaes de los visitantes, sin comprometer el futuru d’estos espacios.
En 2015, la ONU aprobó l’Axenda 2030, qu’incluye 17 Oxetivos de Desarrollu Caltenible (ODC). El turismu caltenible ta direutamente rellacionáu direutamente con dellos (proteición de los ecosistemes terrestres (oxetivu 15) y el fomento del crecimientu económicu inclusivo (oxetivu 8).
¿Cómo prauticar turismu responsable nos Montes Vivos?
Cuando visites un castañéu o u ablanéu, ye importante siguir una serie de normes p’ayudar a conservar estos entornos. Equí tan dalgunos conseyos:
1. Trai contigo tolo lo que lleves (y marcha con tolo que sobre):
Evita dexar residuos y utiliza botelles y bolses que pueas usales más d'una vez y si ves basoria…llévala (anque nun la dexares tu).
2. Nun alimentes a la fauna xabaz:
Alteria-yos el comportamientu natural. Y… ¡Nun marches con plantes, animales nin piedres, onde tán tienen la so función nel ecosistema!
3. Nun esperdicies agua:
Ye un recursu escaso y ye vidable pa tolos seres vivos.
4. Compra llocal:
Apoya a los establecimientos pequeños del sitiu. Collabora colos negocios turísticos responsables del sitiu: guíes, agospios, bares y restaurantes. Da-yos prioridá a los que protexan el mediu ambiente.
5. Comparti'l viaxe:
Reduz la buelga de carbonu viaxando en grupu.
6. Infórmate primero de viaxar:
Conoz les normes y tradiciones del sitiu.
7. Respeta les zones permitíes:
Ayuda a conservar los ecosistemes más fráxiles.
8. Nun recueyas ablanes nin castañes
Sin permisu de los amos de los terrenos. Ye'l so recursu económicu y llaboral.
!Importante!
Asegúrate de tener los permisos que faigan falta cuando visites los montes vivos (propietarios y propietaries de les finques, normatives llocales, etc.).
